Questions time!
 |
| Question Time |
چراغ بجھ گیا تھا
چراغ بجھ گیا تھا چراغ بجھ گیا تھا وہ ساون کی پہلی پہلی بارِشوں میں جب سبھی ایک دُوسرے کا ہاتھ تھامے ہنْستے جاتے گرجتے بادل کڑکتی بجلی سے سہم سہم کرگلے مِلتے جاتے اِنھی ساعتوں میں زرد پتّوں کے بکھرے ڈھیروں تَلے بھیگتی مٹّی کی سُوندی خوشبُوؤں سے چھت پر ٹپکنے والی بُوندوں سے چراغ بجھ گیا تھا سہم کر چھپ کر جب میں گامزن تھا عِلْم کی رَہگذر پہ میں اُٹھّا کھڑکی کے کواڑ بند کرنے کہ تیز جھونْکے میرے لمحہ لمحہ مرتے چراغ کو کہیں گُل نہ کر دے میری روشنی کو جُدا نہ کر دے قریب منزِل نہ دُور کر دے مگر یہ شایدتھی خوش گُمانی کہ میری منزِل تو مجھ سے کوسوں مزید اوجھل سی ہو گئی تھی میری دو آنکھیں خمارِاُلفت سے جیسے مزید بوجھل سی ہو گئی تھیں سفید آنچل کا جادُو دِل پر خموشیوں سے اُتر رہا تھا کِواڑبجنے لگے تھے اور اِک ہوا کا جھونْکا جو تیز آیا عقب میں ڈالی نظر جو میں نے چراغ با لکل ہی بجھ گیا تھا اے.آر.نقش
Comments
Post a Comment